Ná našuvnnalaš dálkkaslistu čuohcá dutnje

Digitála bálvalusas Dálkkasgeahčus (Läkemedelskollen) oainnát sihke makkár dálkasiid ja eará dávviriid doavttir lea dutnje čállán ja maid dálkasiid don leat viežžan apotehkas. Miessemánu 1 beaivvi 2021 rájis de lea daid dieđuid juohkin dearvvašvuođabargiide álkidahtton dalle go ozat ábu. Diehtu lea registaris, Našuvnnalaš dálkkaslistu.   

Visot du reseapttat ja dálkasat maid leat viežžan apotehkas registrerejuvvot Našuvnnalaš dálkkaslistui. Dieđut du allagoluid birra maid registrerejuvvot. Leat alla gáibádusat das ahte du dieđut suddjejuvvot- beare dearvvasvuođabargit ja apotehkabargit geas lea gelbbolašvuohta ožžot oaidnit dieđuid du reseapttaid birra ja maid dálkasiid don leat viežžan apotehkas.

Dearvvašvuođabálvalusas

Dearvvašvuođabargit dárbbašit rivttes gelbbolašvuođa oaidnin dihte dieđuid du reseapttaid ja vižžon dálkasiid birra. Dasa lassin sii maid dárbbašit mieđáhusa dus. Mieđáhusa attát doaktárii, buohccedivššárii, bátnedoaktárii dahje eará dearvvasvuođabargái. Muhtin dilálašvuođas, ovdamearkka dihte jus leat meanahuvvan, de sii sáhttet geahččat dieđuid vaikko it leat addán mieđáhusa.

Don gii leat nu gohččojuvvon dosapasieantta dus leat iežá njuolggadusat go eará pasieanttain.

Jus it háliit addit mieđáhusa

Dearvvašvuođabálvalus dárbbaša eanet vejolašvuođaid identifiseret ja bargat vearru dálkkasgeavaheami vuostá, ovdamearkka dihte gárrenmirko dálkasiid geavaheapmi. Ja dat mielddisbuktá ahte vaikko don it leat addán mieđáhusa de gelbbolaš dearvvašvuođabargit ožžot geahččat jus don leat ožžon erenoamáš dálkasiid daid maŋemus guokte jagiid.

Jus háliidat čiehkat dieđuid dearvvašvuođabargiide

Dus lea riekti čiehkat dearvvašvuođabargiide muhtin reseapttaid ja muhtin dálkasiid maid leat viežžan apotehkas. Dalle sii eai oainne juste daid dieđuid go mieđihat ahte sii ožžot oaidnit du reseapttaid ja maid dálkasiid leat viežžan apotehkas. Muhto sii oidnet ahte doppe lea diehtu mii lea čiegus.

Lea vejolaš geavahit Dálkkasgeahčučiehkan dihte dieđu Našuvnnalaš dálkkaslisttus. Don sáhtát goas fal válljet ahte diehtu galgá oidnot fas.

Vaikko don čiegat dieđu de lea vejolaš ahte dearvvašvuođabargit oidnet dan, ovdamearkka dihte dain dilálašvuođain:

• Jus leat heahtedilis ja it sáhte addit mieđáhusa.
• Jus leat nu gohččojuvvon dosapasieantta.
• Jus diehtu lea pasieanttajournálas – don fertet maid čiehkat dieđu du pasieanttajournálas nu ahte dearvvasvuođabargit eai oainne dan.

Čiehkat dálkkasdieđuid lea váttisvuođariska

Jus du doavttir ii oainne dieđuid du dálkasiid birra de lea váttis garvit dálkasiid mat vuosttildit dahje dálkasat mat váikkuhit nuppi dálkasa negatiivvalaččat. Dat mearkkaša ahte lea riska čiehkat dieđuid. Jus don čiegat du reseapttaid ja makkár dálkasiid don leat viežžan apotehkas de don fertet ieš muitalit du dálkasiid birra dearvvasvuođabargiide nu ahte du geahčču lea buorre ja sihkkar.

Čiehkat maid dálkasiid leat viežžan apotehkas báberreseapttain

Lea vejolaš čiehkat dieđuid daid dálkasiid birra maid leat viežžan ja maid vieččat apotehkas báberreseapttain nu ahte dearvvašvuođabargit eai oainne daid dieđuid sin vuogádagas.   

Ovdal go pasieantta oažžu viežžat dálkasiid de báberreseapttat registrerejuvvot Našuvnnalaš dálkkaslistui. Dát dahkko miessemánu 1 beaivvi 2021 rájis. Jus háliidat čiehkat maid dálkasiid vieččat apotehkas de fertet maid čiehkat dasa gullevaš reseapttaid.

Apotehkas

Ovdal go apotehkabargit sáhttet addit dutnje dálkasiid de sii fertejit geahččat du reseapttaid ja maid dálkasiid don leat viežžan apotehkas. Muhto sii dárbbašit du mieđáhusa jus sii háliidit oaidnit dikšunsiva.

Lea vejolaš čiehkat dikšunsiva

Don sáhtát ovtta reseapttas čiehkat dieđu du dikšunsiva birra. Jus apotehkabargit árvvoštallet ahte sii dárbbašit diehtit du dikšunsiva addin dihte du dálkasa, de sii dárbbašit ovtta vel mieđáhusa dus.

Du reseapttas sáhttá leahkit sihke dikšunsivva ja dikšunulbmil. Reseapttas lea beare vejolaš čiehkat dikšunsiva. Apotehkabargit sáhttet ain oaidnit dikšunulbmila.

Go dárbbašat neavvagiid du dálkkasgeavahusa birra

Jus apotehkabargit galget beare addit neavvagiid du dálkkasgeavahusa birra de sii dárbbašit mieđáhusa dus oaidnin dihte du reseapttaid ja maid dálkasiid don leat viežžan apotehkas. Reseaptta dikšunsivva ii oidno go ohcá neavvagiid.

Jus leat čiehkan reseaptta ja maid dálkasiid leat viežžan apotehkas, dahje jus leat čiehkan dearvvašvuođabargiide maid leat viežžan apotehkas báberreseapttain de apotehkabargit eaige oainne dan dieđu go ozat neavvagiid. Apotehkabargit eai oainne ahte don leat čiehkan dieđuid Našuvnnalaš dálkkaslisttus.

Got geavahat Dálkkasgeahču

Don oainnát du reseapttaid ja maid dálkasiid don leat viežžan apotehkas máŋgga ládje: čáláhusas apotehkas,e- apotehkas ja maid digitála bálvalusas Dálkkasgeahčus. Dálkkasgeahčus don maid sáhtát čiehkat dieđuid. Don sáhtát vaikko goas válljet vuosehit dieđu fas.

Dálkkasgeahčču doaibmá go okta láse Našuvnnalaš dálkkaslisttu registerii. Don gii leat 18 jahkásaš ja jus dus lea e- legitimašuvdna de don sáhtát dahkat daid čuovvovaš áššiid Dálkkasgeahčus:

• Oaidnit  daid dálkasiid maid don, du mánát vuollái 13 jagi dahje du ealibat leat ožžon.
• Oaidnit maid dálkasiid don leat viežžan apotehkas.
• Gieđahallat ja registreret fápmudusaid apotehkaáššiin.
• Oaidnit goas allagoluid vuoládus biddjo johtui.
• Vieččat váldosiid daid dieđuid birra mat gávdnojit du birra registariin:  Našuvnnalaš dálkkaslisttu ja Reseaptta ealibiidda.

1177 Dearvvašvuođaveahki dahje E- dearvvašvuođaeiseválddi websiidduin beasát Dálkkasgehččui.

Jus dus ii leat vejolašvuohta geavahit Dálkkasgeahču, váldde de oktavuođa E- dearvvašvuođaeiseválddiin sihtan dihte čiehkat ovtta dieđu Našuvnnalaš dálkkaslisttus. De oaččut ruoktot skovi maid don deavddát ja sáddet fas E- dearvvašvuođaeiseváldái. Jus háliidat diŋgot skovi sádde šleađgapoastta deike registrator@ehalsomyndigheten.se dahje riŋge 0771-766 200.

Dieđut mat sáhttet leahkit čihkon fuolaheaddjiide ja ovddasteaddjiide

Dearvvašvuođabargit geas lea gelbbolašvuohta čállit dálkasiid sáhttá suollemasvuođa geažil čiehkat dieđuid ovtta vuollái ahkásaš pasieantta reseapttas. Čuovvovaš dieđut sáhttet leahkit čihkon vuollái ahkásaš pasieantta fuolaheaddjiide ja ovddasteaddjiide:

• Okta reseaptta, mat dálkasat leat vižžon apotehkas ja maid dálkasiid viežžá dás ovddos guvlui.
• Visot dálkasat mat leat vižžon apotehkas báberreseapttain.

Beroškeahttá gii háliida oaidnit čáláhusa, de ovtta apotehka Našuvnnalaš dálkkaslisttu čáláhusas eai oidno dieđut mat leat čihkon fuolaheaddjiide ja ovddasteaddjiide. Nu lea maid čáláhusain e- gávppašeamis.

Beassanvuorkkás oidno gii lea oaidnán du dieđuid

Dálkkasgeahčus lea okta beassanvuorká. Dáppe oainnát dieđu goas, gos, manin ja man fágalaš rollas soamis lea oaidnán dieđuid du reseapttaid birra ja maid dálkasiid don leat viežžan apotehkas.